餐單

朋友介紹發現係牛頭角有間性價比高的社企餐廳，所以就去探個究竟😂
位於牛頭角商廈裡面的「幸福川226」係由一間推動長者事工、開啟「老有所為」樂齡生活的慈善團體香港天恩中心營運。

自家製無味精湯飯，每日用上數小時來熬製鮮甜湯頭，藥膳湯底再加上當歸、圓肉、北芪、黨參、紅棗、杞子等藥材熬製，用料十足，不加味精，飲一啖雞湯，相當清甜，酒味稍淡，圓肉味尤其突出🥰。
雞湯之中，再會加入雞件即叫即煮，醉雞湯浸著滑嫩的雞肉，酒香全滲入雞肉，相當入味，雞件口感嫩滑，誠意十足👍🏻

套餐份量非常之足料，而且環境氣氛又大又舒服。
而且餐廳入邊仲設有小朋友玩樂設施，大人可以放心用餐，小朋友可以自己一齊玩。
係一個親子聚會晚餐嘅好去處😃!

餐廳有多款食物選擇，有一人火鍋🍲、自家製無味精湯飯、泰式台式都有。
朋友點泰式海南雞🐓配油飯，跟油菜，椰子清雞湯。海南雞夠嫩滑，油飯都很香，仲有甜品同水果很豐富。飲品冷泡無咖啡因花茶，係來自南非嘅茶，味道幾特別。

餐廳食物更出乎意料的多種類!!
養生無味精湯飯、台式滷肉飯、一人火鍋餐等等，豐儉由人。
食物以外，餐廳非常關注長者身心需要，希望能夠透過「吃一頓飯」幫助他人